如果人生分若干階段，呢幾年會屬於一個難忘既階段。
開始得戰戰兢兢，望返轉頭原來已經行左好多路，唔再怕了。
唔只呢幾年，呢十年，教曉我既東西唔少。
例如任何時候，都要對未來充滿危機感，又充滿期待。先係正確既態度。
市場係流動的，當一個固有既形態/形勢存在得耐，必然受到考驗。冇人可以逃得過。
前者必然係 悶、老土、一成不變、食老本，愈黎愈少人因為你既成功而感到興奮，反而會為你被替代果日表現出期待。
後者必然係 新鮮感、活力、新衝擊、underrated，眾人集氣，愈黎愈多人會替你不值，值得擁有更多；我地可稱之為「向上力」。
既然試過做後者，都必然會慢慢成為前者。
我地要好好接受呢d野，唔好因為當局者就睇唔到；鮮奶好飲都會過期，問問自己，能夠o係被淘汰之前，及時轉型成為紅酒嗎？
上年係一個長期繃緊，長期工作狀態；好多事情要處理；
當然，想誤會你既人，會想盡辦法去誤會你；正如要質疑別人感恩但分唔清「感恩」同「慶賀」既唔同意思。
近來有朋友話我講野個tone唔同左，沉左，我自己唔覺，不過其實我一排排，可以隨時變，視乎果排睇開咩netflix節目聽咩人講野，總之佢就發現到有唔同，我覺得同上年長期認真模式好有關係。我冇渠道輕鬆，亦唔想輕鬆，寄情所有工作；做監製分秒必爭，同唔同單位溝通就要認認真真；日積月累會發現連面相眼神語氣都唔同左。
但我確信已經行左最適合既路，其實我同大家都冇得選擇。
上年，ig follow左更多更多既動物，e家既比例已經係類似七三分八二分。
感激既說話先前用左一個live既時間黎講。雖然我唔知邊把聲先屬於我自己。
跨年感恩，我對世界冇特別期望，但會繼續對自己要求嚴厲一點。
謝謝默默支持我既你地。我都會默默咁努力食我既宵夜。當緣份到既時候就會減肥。
Search